Ссылки доступа

Украина хитойлик сайёҳлар учун визасиз режим жорий қилади


Украина хитойлик сайёҳлар учун вақтинчалик визасиз режим жорий қилмоқда.

Украина президенти Владимир Зеленский “Украина билан Хитой ўртасидаги дўстона муносабатлар ривожи, туризм соҳасидаги икки томонлама ҳамкорликни фаоллаштириш” учун виза режимини бекор қилиш тўғрисидаги фармонни имзолади, дея билдирди 23 март куни президент маъмурияти.

Фармонга мувофиқ, Хитой фуқароларига 30 кун давомида Украина ҳудудида визасиз қолиш рухсати берилган. Визасиз режим жорий йилнинг 1 апрелидан 30 сентябригача амалда бўлади.

Хитой Киев билан Москва ўртасидаги муносабатлар 2014 йили Қримнинг Россия томонидан ноқонуний аннексия қилиниши ва Россиянинг мамлакат шарқидаги айирмачиларни дастаклаши ортидан совиб кетганидан сўнг Украинанинг йирик савдо ҳамкорига айланган.

Айни пайтда Украина коронавирус пандемиясининг учинчи тўлқинини бошдан кечирмоқда. Мамлакатнинг қатор шаҳарларида, жумладан пойтахт Киевда карантин чоралари амал қилмоқда. Янги карантин чекловларига кўра, мамлакатга келаётган хорижликлар коронавирусга чалинмаганини тасдиқловчи тест натижаларини тақдим қилишлари лозим.

XS
SM
MD
LG