Ба гуфтаи ӯ, тундгароён 21 март аз Кафр-Ҳаннӣ ба минтақаҳои аҳолинишини Ҳалаб шаш мушак партоб кардаанд. Дар натиҷа ду сокини осоишта ҷон бохта, 17 тани дигар захмӣ шудааст, ки дар миёнашон кӯдакон низ ҳастанд.
"Низоми оташбас дар ҳудуди Сурия дар умум риоя мешавад. Вале бояд гуфт, ки оташкушоиҳо аз сӯи мавзеи гуруҳи террористии "Ҷабҳат ан-Нусра" мушоҳида мешавад", - изҳор дошт Карпов.
Пештар Вазорати умури хориҷии Туркия ба сафири Русия дар Анқара Алексей Ерхов роҷеъ ба бомбаборон шудани вилояти Идлиб ва минтақаҳое, ки дар онҷо низомиёни турк ҳузур доранд, изҳори нигаронӣ карда буд. Туркия гуфт, ин ҳамлаҳо ба субот ва амнияти минтақаҳое хатар дорад, ки аз суи Москва ва Анқара маконҳои амн эълом шудаанд.