Билдирилишича: “2021 йил 5 февраль куни Тошкент вилояти Чирчиқ шаҳри ҳудудида тезкор-техник қидирув тадбирлари ўтказилиб, ушбу ноқонуний ҳаракатларни Чирчиқ шаҳар 3-кичик туманида вақтинча яшовчи 1982 й.т., М.М. содир этганлиги аниқланиб, телефон қурилмаси ашёвий далил тариқасида ҳужжатлаштириб олинган” (Иқтибос ўзгартиришларсиз кўчирилди-муаллиф).
М.М., ўзини Ўзбекистон Республикаси Президенти Администрацияси раҳбари деб таништирган. У тармоқ фойдаланувчиларига турли масалаларда, айниқса, уй-жой ва банк кредитлари ажратиш бўйича амалий ёрдам кўрсатилишини ваъда қилган. Айни пайтда бунинг эвазига у фуқаролардан 50 минг сўмдан 1,5 миллион сўмгача бўлган маблағни талаб қилиб, банк пластик картасига туширган.
Ички ишлар вазирлиги нега 5 февралда қўлга олинган шахс ҳақида эндигина маълумот берилгани, у қанча фуқарони алдагани, қанча миқдордаги маблағларни ўзлаштириб олгани тўғрисида бирорта маълумотни тақдим этмаган.
“Фуқаро М.М. га нисбатан Чирчиқ шаҳар ИИБ ҳузуридаги Тергов бўлими томонидан Жиноят кодексининг 168-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда”,-дейилади расмий хабарда.