Ссылки доступа

Ташкентте бір алаяқ азаматтарды мәселелерін президент Мирзияев атынан шешіп беремін деп алдаған


Өзбекстанның ішкі істер министрлігінің хабарлауынша, Facebook'те президент Шавкат Мирзияевтің жалған парақшасын ашып, азаматтарды ақшаға алдаған ер азамат ұсталды. Күдікті Шыршық қаласының 39 жастағы тұрғыны М.М. болып шықты.

"Жалған парақшаның көмегімен ол азаматтармен сөйлескен, өзін Өзбекстан президенті әкімшілігі жетекшісінің өкілімен деп таныстырған. Түрлі мәселелерді ақшаға шешіп беремін деп уәде берген. Алданған азаматтар оның банк картасына мыңдаған доллар жолдаған", – делінген министрлік хабарламасында.

Құқық қорғау органдары "алаяқтық" қылмысы бойынша іс қозғады. Алдын ала тергеу әрекеттері жүріп жатыр. Күдікті он жылға дейін бас бостандығынан айрылуы мүмкін.

XS
SM
MD
LG