Хитойнинг қаттиқ назорат остида бўлган ижтимоий тармоқлари томонидан қўллаб-қувватланадиган технологик компаниялари ва давлат оммавий ахборот воситалари глобал мода брендларига ҳужум қилмоқда. Хитойлик таниқли юлдузлар спорт анжомлари ишлаб чиқарувчиси NIke ва Швециянинг йирик H&М халқаро кийим-кечак сотувчиси билан алоқаларини узмоқда. Мамлакат шунингдек, Британиянинг ҳашаматли кийим-кечак ишлаб чиқарувчи Burberry компаниясига бойкот эълон қилди.
«Хитойликлар бир вақтнинг ўзида баъзи бир чет элликларга Хитой гуручини еб туриб, Хитой пиёлаларини синдиришга рухсат бериш ниятида эмас», деди ТИВ вакили Хуа Чуниннинг Пекиндаги журналистларга.
БМТ инсон ҳуқуқлари фаоллари ва экспертларининг айтишича, камида бир миллион уйғур ва бошқа халқлар Шинжонда «қайта тарбиялаш лагерларида» сақланмоқда. Ҳуқуқ фаоллари Хитой расмийларини аёлларни мажбуран стерилизация қилишда ва мажбурий меҳнатдан фойдаланишда айбламоқда.
Би-би-си декабрь ойида Хитой Шинжоннинг пахта далаларида юз минглаб этник озчиликларни, шу жумладан уйғурлар ва қозоқларни қўл меҳнати билан шуғулланишга мажбур қилаётгани ҳақидаги текширувни эълон қилди.
Шинжон — пахта етиштириш бўйича дунёдаги етакчи минтақалардан бири ва кўплаб Ғарб кийим-кечак брендларининг асосий етказиб берувчисидир.
Ғарбнинг қатор компаниялари, жумладан Nike ва H&М, илгари Хитойнинг шимоли-ғарбидаги минтақада инсон ҳуқуқлари бузилганлиги сабабли Шинжондан пахта сотиб олишдан бош тортган эди.