Ссылки доступа

Ресей сәуір айынан бастап Тәжікстанмен әуе байланысын қалпына келтіреді


Душанбе халықаралық әуежайы

Ресей сәуір айынан бастап Германия, Өзбекстан, Тәжікстан, Венесуэла, Сирия және Шри-Ланкамен әуе байланысын қалпына келтіреді. Бұл жөнінде БАҚ коронавирус пандемиясына қарсы күрес жөніндегі оперативті штабқа сілтеме жасап хабарлайды.

Ресей вице-премьері Татьяна Голикова штаб жиналысы кезінде 1 сәуірден бастап Тәжікстанмен әуе байланысын қалпына келтіру жөнінде шешім шығарылғанын мәлімдеді. Рейс аптасына бір рет Мәскеу-Душанбе-Мәскеу бағытында жүргізіледі.

Коронавирус пандемиясына байланысты былтыр наурыз айынан бастап Ресей мен Тәжікстан арасында ұшақтар тоқтаған. Тек арнайы чартерлік рейстер ғана ұшты.

Пандемия басталмай тұрғанда, Ресейде 1 млн-нан астам тәжікстандық жұмыс істеп, еліне жылына 2 млрд доллар жіберіп тұрған. Биыл шекара жабық болғандықтан 80 процент тәжік азаматы Ресейге бара алмай отыр. Тәжік билігінің хабарлауынша, қазір 460 мыңнан астам мигрант жұмыссыз.

XS
SM
MD
LG