2020 йил июль ойида Тожикистон Дин ишлари бўйича қўмитаси коронавирус тарқалишининг олдини олиш учун бундан буён тўйларда 40 кишидан кўп бўлмаган одам қатнашиши кераклигини эълон қилди.
Ховар давлат ахборот агентлигининг хабар беришича, COVID-19 га қарши кураш бўйича республика штаби 27 март куни «санитария ва эпидемияга қарши чораларга риоя қилиш» шарти билан 100 кишига қадар тўй маросимларини ўтказишга рухсат берган.
Тожикистон расмийларининг таъкидлашича, январь ойидан бери мамлакатда коронавирус инфекцияси билан касалланиш қайд этилмаган. Гарчи минтақадаги қўшни давлатлар — Қозоғистон, Қирғизистон ва Ўзбекистон коронавирус ҳолатларининг кўпайиши ва ушбу юқумли касалликнинг янги турларининг тарқалиши муносабати билан санитария чораларини кучайтираётгани ва янги чекловлар жорий этилишини эълон қилса ҳам.