Хусусан, болалар хавфсизлиги учун 1 апрелдан бошлаб болалар кўнгилочар муассасалари, савдо ва кўнгилочар марказларидаги ўйин майдончалари фаолиятини вақтинча тўхтатиб туришга қарор қилинди. Ҳозирда чеклаш икки ҳафтага татбиқ этилмоқда.
Сўнгги ҳафталарда Қирғизистонда коронавирус инфекциясининг янги ҳолатлари кўпаймоқда. Ҳукумат мамлакат тиббиёт муассасаларига эпидемиянинг учинчи тўлқини учун тайёргарлик кўришни буюрди. Янги ҳолатларнинг аксарияти Бишкек ва Чуй вилоятида аниқланган.
Ҳокимлик маълумотларига кўра, бугунги кунда пойтахтда 10 та кўчма тиббий гуруҳ фаолият юритмоқда. 1 апрелдан 1, 2, 3, 4, 5, 9, 11 синф ўқувчилари офлайн режимда ўқитилади. Қолган параллелликлар — 6, 7, 8, 10-синфлар он-лайн режимида ўқитилади.
Қирғизистонда 29 март куни Хитой Синофарми билан эмлашнинг биринчи босқичи бошланди. Яқинда республика 75 минг кишига мўлжалланган 150 минг дозада ушбу вакцинани олди. Аввало, қизил зонада, шифохона ва поликлиникаларда, тез ёрдам машиналарида ишлайдиган тиббиёт ходимларини, шунингдек, Ўш ва Бишкек шаҳарларидаги, Чуй вилоятининг айрим туманларидаги таълим ташкилотлари ва ҳуқуқни муҳофаза қилиш идоралари ходимларини эмлаш режалаштирилган. Шунингдек, Россиядан 500 минг дозали Спутник V вакцинасини олиши ҳам кутилмоқда.
Пандемия даврида Қирғизистонда 84 653 киши коронавирус билан касалланган, 1497 киши ушбу касалликнинг қурбонига айланган.