Қамчибек Тошиев рӯзи 26 март дар як нишасти хабарӣ натиҷаҳои гуфтугӯҳои марзӣ бо Тошкандро шарҳ дод. Вай гуфт, масоили марзӣ бо Узбекистон "сад дарсад" ҳал шуданд ва байни ду кишвар ҳеч минтақаи баҳсие боқӣ намондааст.
Санади созиши марзиро ниҳодҳои дигари Қирғизистон баррасиву тасдиқ ва дар ниҳоят порлумони он кишвар бояд қабул кунад.
Қирғизистон бо Узбекистон 1378 километр марзи муштарак дорад, ки 1170 километр ё 85 дарсади он аломатгузорӣ шудааст. Дар миёни ду кишвар 9 минтақаи баҳсӣ вуҷуд дорад ва ин номуайянӣ дар бештари маврид боиси низоъҳои марзӣ миёни сокинони дуҷониб хоҳад шуд.