Ссылки доступа

Moderna & Pfizer вакциналарининг самарадорлиги исботланди


Pfizer & Moderna фармацевтика компаниялари томонидан ишлаб чиқарилган COVID-19 вакциналарининг юқори самарадорлиги CОВИД-19 юқтирганларга ёрдам кўрсатадиган шифокорлар ва тез ёрдам ходимлари ўртасида ўтказилган тадқиқотда тасдиқланди.

Бу ҳақда АҚШ касалликларни назорат қилиш ва олдини олиш федерал марказининг (CDC) душанба куни эълон қилинган ҳисоботида айтилган.

Иккала вакциналар ҳам 90 фоиз самарали бўлган. Вакцинанинг икки дозасидан биринчиси инфекцияларнинг 80 фоизини олдини олди. Иккала эмлаш ҳам бир неча ҳафта оралиғида иккита инъекция шаклида амалга оширилади.

Уч мингга яқин эмланган ва қисман эмланган тадқиқот иштирокчиларидан иборат гуруҳда уч ойлик синов давомида инфекция 11 кишига юқтирилди. Ушбу маълумотлар вакцинанинг клиник синовлари пайтида олинган натижаларни тасдиқлайди.

«Ушбу тадқиқот жуда далда беради», деди CDC раҳбари Рейчел Валенски. «Ушбу топилмалар, шунингдек, COVID-19дан энг юқори даражада ҳимояланиш учун, айниқса, вируснинг янги вариантлари ҳақида хавотирлар кучайиб бораётганлиги сабабли, икки дозали эмлашнинг муҳимлигини кўрсатмоқда.»

Душанба куни америкаликларнинг 29 фоизи камида битта дозада COVID-19 вакцинаси билан эмланган.

XS
SM
MD
LG