Ссылки доступа

Арменияда журналистке қол көтерген министр қызметінен кетті


Акоп Аршакян

Арменияның жоғарғы технологиялық өндіріс министрі Акоп Аршакян Еревандағы кафеде журналисті ұрып, оның компьютерін үстел үстінен лақтырып жіберген оқиғадан кейін 31 наурызда қызметінен кетті. Бұл туралы Азаттықтың армян қызметі хабарлады.

"Армения азаматы ретінде лауазымды тұлғаның басқа біреуге зорлық көрсеткені жат нәрсе. Біз зомбылықсыз қоғам құру бағытында алға жылжуымыз абзал", - деп жазды 35 жастағы министр Facebook парақшасына.

1 сәуірде оның орнына Арменияның Тавушск облысының губернаторы тағайындалды.

Бұл оқиға 19 наурызда Еревандағы кафеде болып, журналист камерасымен тамақтанып жатқан министрге келіп, ол неге жұмыс уақытында бұл жерде отырғанын сұраған. Министр Акоп Аршакян ол үнемі жұмыс үстінде екенін айтқан кезде, журналист мемлекеттік шенеуніктің күн тәртібі бекітілгенін, оның шектелген жұмыс уақыты бар екенін еске салған.

Журналист өз орнына барып отырғаннан кейін министр Акоп Аршакян орнынан тұрып, журналисті ұрып, қолындағы компьютерін диванға лақтырып жіберген. Бұл оқиға әлеуметтік желілер арқылы тарап, министрдің іс-әрекеті сынға алынған.

XS
SM
MD
LG