Төтенше жағдайлар жөніндегі комитет 30 наурызда марқұмның бірнеше суретін жариялап, оның асылып өлгені туралы ақпарат таратқан. Икромның туыстары өз-өзіне қол жұмсаған деген нұсқаға сенбей отыр. Құқық қорғау органдары тексеру жүргізіп жатыр.
Марқұмның әкесі Абдужаббор Хожаевтың айтуынша, ұлы 29 наурызда Душанбеге кеткен. "Оның көңіл-күйі жақсы болатын. Ол кешкі жетілерде әйеліне хабарласып, жақсы жеткенін айтқан. Одан соң хабар болмады", - деді ол.
"Ұлымның өзенге әдейі барып, сол жерде асылып өлген дегенге сенбеймін. Икром Душанбеге неге барғаны біз үшін жұмбақ. Ол "бір адаммен шаруалары" барын айтқан еді", - дейді марқұмның әкесі.
Икром Жабборзода алты ай бұрын "Амонатбанк" филиалының бас бухгалтері қызметінен алынды. Бұрынғы әріптестері оның банктегі жұмысына ешқандай сын болмағанын, ол былтыр аттестациялау кезінде жұмыстан шығып қалғанын айтқан.