Ссылки доступа

Роскомнадзор «Свобода» радиосун жаңы айып пулдар менен коркутту


«Эркин Европа/Азаттык үналгысы» (ЭЕ/АҮ) медиакорпорациясы Орусияда ишмердүүлүгүн токтотууга мажбурлап жаткан орус бийлигин сындайт жана бул аракеттерге каршы мүмкүн болгон бардык ыкмаларды колдонот. Бул тууралуу бейшембиде корпорациянын президенти Жейми Флай билдирди.

Анын айтымында, «Кремль маалымат алуу мүмкүндүгүн чектөөгө аракет жасап жаткан маалда корпорация Орусиядагы кеңири аудиториясына объективдүү жаңылыктарды жеткиргени үчүн орус бийлигинин басым бутасына айланды».

ЭЕ/АҮ президенти корпорация журналисттик көз карандысыздыкка жасалган чабуулга каршы күрөшө турганын билдирди.

Бейшембиде Роскомнадзор «чет элдик агент» мыйзамынын бузулушу боюнча «Эркин Европа/Азаттык үналгысынын» орус кызматына дагы 130 протокол түзө турганы белгилүү болду. Протокол түзүү 16-апрелде башталат. Медиакорпорацияга карата айып пулдардын жалпы көлөмү 2,3 млн долларга жетиши мүмкүн.

«Роскомнадзор» мекемеси акыркы айларда «чет элдик агент» мыйзамынын катаал чектөөлөрүн сактаган жок деген доо менен «Эркин Европа/Азаттык» үналгысынын орус тилдүү кызматына 1 миллион долларга жакын айып пул салган. Мекеме бул медиа кызмат 400гө жакын мыйзам бузуу учурларына жол берди деп санайт.

Орусияда ЭЕ/АҮ медиасынын популярдуулугу артууда: 2021-жылдан бери «Свобода» радиосунун сайты айына 15 миллион жолу көрүлүүдө.

Видео

Видео

COVID-19: эмдөө эмне үчүн керек?
пожалуйста, подождите

No media source currently available

0:00 0:02:55 0:00
XS
SM
MD
LG