Ссылки доступа

Омӯзгори узбекро барои гузоштани баҳои "ду" латтукӯб карданд


Чироқчилик муаллим Ш. Оққўзиев

Пулиси ноҳияи Чироқчии Узбекистон 13 апрел дар робита ба латтукӯб шудани омӯзгори забони англисии мактаби миёнаи №134-и ноҳия бо банди "Авбошӣ" парванда боз кардааст.

Дар ин бора аз Хадамоти матбуотии Вазорати маорифи Узбекистон иттилоъ доданд.

Пештар хабар дода шуд, ки омӯзгори забони англисии мактаби №134 Шоҳнур Оккузиевро бародарони яке аз шогирдонаш барои гузоштани баҳои "ду" зери мушту лагад қарор додаанд.

Ин ҳодиса 6 апрел дар маҳаллаи "Умакай"-и Чироқчӣ рух дода, дар натиҷа омӯзгор бистарӣ шудааст.

Ба гуфтаи Оккузиев, он рӯз ба ӯ се бародари яке аз хонандаҳо ҳамла карда буд.

Хонандае, ки баҳои "ду" гирифтааст, писари муовини мудири ҳамон мактаб оид ба тарбия Абдуносир Ҳошимов мебошад.

XS
SM
MD
LG