Ссылки доступа

Олмалиқда савдогар аёлларни судраб-хўрлаган солиқчилар ишдан олинди


Шерзод Кудбиев.
Шерзод Кудбиев.

Олмалиқда савдогар аёлларга нисбатан куч ишлатиб, уларни судраб, молларини тортиб олган уч нафар солиқчи ҳамда шаҳар давлат солиқ инспекциясининг яна 8 нафар ходими ишдан олиниб, уларнинг махсус унвонлари бекор қилинган. Бу ҳақда Давлат солиқ инспекцияси матбуот хизмати маълумот тарқатди.

Қайд этилишича, ҳодиса ортидан Тошкент вилояти ДСБ бошлиғи ўринбосари ҳамда Олмалиқ шаҳар давлат солиқ инспекцияси бошлиғига ҳам ҳайфсан берилди.

Хабарномада “Солиқчи-кўмакчи” тамойили асосида шу пайтга қадар ноқонуний фаолият юритган аёлларга тегишли ҳуқуқий ёрдам кўрсатилиб, фаолияти қонунийлаштирилгани урғуланган.

“Уларга Олмалиқ шаҳридаги савдо марказидан тегишли жой ажратиб берилди. Шунингдек, кредит олишда амалий ёрдам кўрсатилиб, улардан бирига тикув машинаси ҳадя этилди”, дейилган ДСҚ хабарномасида.

Олмалиқлик солиқчилар акс этган видео тарқаб, ижтимоий тармоқларда қизғин муҳокамаларга сабаб бўлгани ортидан Давлат солиқ қўмитаси раиси Шерзод Кудбиев воқеага муносабат билдириб, жуда уятли иш бўлганини эътироф этган, солиқчилар жазоланишини билдирган ҳамда халқдан узр сўраган эди.

XS
SM
MD
LG