Ссылки доступа

Бозгашти "Ботир алюминий" ба Узбекистон: ин бор ба сиёсат.


Батыр Рахимов и Диёра Усманова. Instagram.

Молики пешини дастаи футболи "Пахтакор" ва меҳмонхонаи "Узбекистон"-и шаҳри Тошканд Ботир Раҳимов, маъруф ба "Ботир алюминий" ҳафтаи гузашта дар як тӯй дар пойтахти Узбекистон дубора дида шудааст.

Раҳимови 55-сола, ки соли 2010 дар Узбекистон як муддат зиндонӣ ҳам шуда буд, давоми беш аз 10 соли ахир дар Аморати Муттаҳидаи Араб ва Туркия ба сар мебурд. Ӯ дар аввали солҳои 2000-ум кони волфрамеро дар Ҷизах дар ихтиёр дошт ва барои тиҷорати алюминий дар Иттиҳоди Давлатҳои Мустақил ҳамчун "Ботир алюминий" шинохта шудааст.

Ботир Раҳимов баъди аз тиҷорат канор рафтан ба хонаводаи президенти кунунии Узбекистон Шавкат Мирзиёев наздик шуд. Ӯ ва Диёра Усмонова, ҷияни ҳамсари президенти Узбекистон Зироатхон Мирзиёева соли 2017 эълом карданд, ки соҳиби писар шуданд.

Мансабдори узбеке, ки Раҳимовро дар тӯй дидааст, гуфт, вай ҳамроҳи хонаводааш ҳоло дар шаҳри Тошканд зиндагӣ мекунад ва дубора бо тиҷорат машғул аст.

Раҳимов ва Диёра Усмонова бори нахуст дар Тошканд дар моҳи октябри соли 2020 дар нахустнамоиши филми "Мендирман Джалолиддин"-и духтари калонии президенти Узбекистон Саида Мирзиёева дида шуданд.

Ба гуфтаи як мансабдор дар ҳукумати Узбекистон, ба тиҷорати машкуки Раҳимов, ки дар давраи президентии Ислом Каримов дороиҳояш мусодира шуда буданд, на танҳо иҷозат, балки барояш дар интихоботи ояндаи президентии он кишвар "нақши хоси сиёсӣ" ҳам дода шудааст.

Ба гуфтаи манбаъ, Раҳимов бо дархости хонаводаи Мирзиёевҳо ҳамчун "сафир" бо раиси Ҳизби мухолифи демократии "Эрк" Муҳаммад Солеҳ мулоқот ва созишеро пешниҳод кардааст.

XS
SM
MD
LG