«Биз иш ёпилган деб айтишимиз мумкин. Келгусида яна ўша масала бўйича судга мурожаат қилиш мумкин бўлмайди», — деди адвокат.
Аввалроқ Бишкек шаҳрининг Свердловск туман судига Давлат божхона хизмати раисининг собиқ ўринбосари Раимбек Матраимовнинг адвокатларидан ОАВга қарши даъволарнинг рад этилиши тўғрисида баёнот олгани маълум бўлган эди.
Қирғизистон божхона идораларида коррупция схемалари тўғрисидаги журналистик текширувларда Азаттйк, Kloop нашри ҳамда Коррупция ва уюшган жиноятчиликни ўрганиш маркази (OCCRP) томонидан ўтказилган бир қатор қўшма журналистик текширувларда Раимбек Матраимовнинг исми бир неча бор тилга олинган.
Ушбу мақолалар нашр этилиши муносабати билан Раимбек Матраимов, шунингдек унинг укаси, Жўқорғи Кенгеси депутати Искендер Матраимов, уларнинг оила аъзолари ва Исмоил Матраимов жамғармаси «шаъни ва ишбилармонлик обрўсини ҳимоя қилиш тўғрисида» “Азаттйк” радиоси, “Kloop” ва «24.kg» нашрлари ҳамда журналист Али Тўхтакуновга қарши жами 60 миллион сўм даъво қилган эди. Кейинчалик даъвогарлар 24.кг сайтига бўлган моддий даъволарини қайтариб олишди.
2020 йил 9 декабрда Қўшма Штатлар Қирғизистон Давлат божхона хизмати раисининг собиқ ўринбосари Раимбек Матраимовни Магнитский глобал рўйхатига киритгани маълум бўлди. АҚШ Молия вазирлигининг маълумотларига кўра, рўйхатга олинган шахсларнинг барча мол-мулки ва уларнинг Қўшма Штатларда жойлашган ёки АҚШ жисмоний шахслари ёки ташкилотлари томонидан эгалик қилинадиган ёки назорат қилинадиган турли хил активлардаги манфаатлари тўхтатилади.
Октябрь воқеаларидан сўнг, Раимбек Матраимов икки марта жиноят содир этганликда гумон қилиниб ҳибсга олинган. 2020 йил октябрь ойида у божхона органларида коррупция схемаларини тергов қилиш бўйича иш доирасида ҳибсга олинган. У яшаб турган ҳудудини тарк этмаслик тўғрисида қарор билан озод қилинди ва етказилган зарарни қоплаб, босқичма-босқич 1 миллиард 400 миллион сом нақд пулни ва 600 миллион сомлик мол-мулкни давлатга ўтказди. Кейинчалик суд уни коррупцияда айбдор деб топди ва 260 минг сом миқдорида жаримага тортди.
2021 йил 18 февралда Раимбек Матраимов яна пул ювишда гумон қилиниб, Миллий хавфсизлик давлат қўмитаси ходимлари томонидан ҳибсга олинган. У ГКНБ тергов изоляторига жойлаштирилган, бироқ бир неча кундан кейин Матраимов хусусий клиникалардан бирига кўчирилганлиги маълум бўлган. У апрель ойининг бошларида колонияга кўчирилган. 15 апрель куни Миллий хавфсизлик давлат қўмитаси Матраимовга нисбатан судгача бўлган суд ишларини тўхтатиб, уни ҳибсдан озод қилганини маълум қилди.