Ссылки доступа

Қырғызстан мен Тәжікстан әскерлерін шекарадан алып кетті


Сгоревший и разрушенный дом в селе Максат на границе с Таджикистаном

Қырғызстан мен Тәжікстан қосымша әскери күштерін шекара сызығынан алып кетті. Қырғызстан Ұлттық қауіпсіздігі мемлекеттік комитетінің Шекара қызметі осылай деп хабарлады.

Қызмет мәліметі бойынша, 3 мамырда таңертең қырғыз-тәжік шекарасындағы жағдай тыныш болды. Өткен түнде мұндай қақтығыс немесе атыс тіркелмеді.

Төрт күнге созылған жанжал кезінде қырғыз жағында 34 адам қаза тауып, 178 адам жараланған. Қаза болғандар арасында үш қырғыз сарбазы бар. Қырғызстан ішкі істер министрлігінің мәліметі бойынша, жанжалда опат болғандардың барлығы оққа ұшқан.

Тәжікстан жағынан, жергілікті ақпарат құралдарының мәліметі бойынша, сегізден 8-10 адам қаза тапқан, тоқсаннан астам адам жараланған. Душанбе жанжал шығыны туралы ресми мәлімет таратпады, деп хабарлады "Интерфакс".

Қырғызстан төтенше жағдайлар жөніндегі қызметтің мәліметі бойынша, Баткен және Лейлек аудандарындағы ауылдарда ондаған үй, он жанармай құю бекеті, үш шекара бекінісі, екі мектеп қираған немесе бүлінген. Баткен облысынан 60 мыңнан астам адам басқа жерге көшірілген.

Қырғызстан ІІМ-нің хабарлауынша, шекарада Тәжікстанның құқық қорғау органдарымен қақтығысқа қатысты 11 қылмыстық іс қозғалды.

Қырғызстан президенті Садыр Жапаров жексенбі, 2 мамырда, Тәжікстанға "бейбітшілікті сақтау жөніндегі комиссия" құруды ұсынды. Оған екі елдің көршілес немесе аралас ауылдарының ақсақалдары кіреді.

XS
SM
MD
LG