Ссылки доступа

Қирғизистон ва Тожикистон қўшинларини чегарадан олиб чиқди


Сгоревший и разрушенный дом в селе Максат на границе с Таджикистаном

Қирғизистон ва Тожикистон қўшимча кучларни чегара чизиғидан олиб чиқишни якунладилар. Бу ҳақда Қирғизистон Миллий хавфсизлик давлат қўмитаси Чегара хизмати хабар берди.

Вазирлик маълумотларига кўра, 3 май куни эрталабдан бошлаб давлат чегарасининг қирғиз-тожик қисмидаги вазият барқарор. Ўтган тунда ҳеч қандай воқеа ёки отишма қайд этилмаган.

Тўрт кунлик можаро давомида қирғиз томонида 34 киши ҳалок бўлди, 178 киши яраланди. Ўлганлар орасида уч қирғиз ҳарбий хизматчиси ҳам бор. Қирғизистон Республикаси Ички ишлар вазирлигининг маълумотларига кўра, можарода ҳалок бўлганларнинг барчаси қуролдан ўлдирилган. Маҳаллий оммавий ахборот воситаларининг хабар беришича, Тожикистон томонидан саккиздан ўн кишигача вафот этган, 90 дан ортиқ одам жароҳат олган. Душанбедан ҳозирча расмий маълумот йўқ, дея қайд этади Интерфакс.

Қирғизистон Фавқулодда вазиятлар вазирлигининг маълумотларига кўра, Баткен ва Лейк туманлари қишлоқларида бир неча ўнлаб уйлар, ўнта ёқилғи қуйиш шохобчалари, учта чегара постлари, иккита мактаб вайрон қилинган ва зарар кўрган. Баткен вилоятидан 60 мингдан ортиқ одам эвакуация қилинди.

Қирғизистон Ички ишлар вазирлиги Тожикистон билан чегарадаги тўқнашувлар тўғрисида мамлакат ҳуқуқни муҳофаза қилиш идоралари томонидан 11 та жиноий иш очилгани — оммавий тартибсизликлар, тинчликка қарши жиноятлар, безорилик, бошқаларнинг мол-мулкини йўқ қилиш ёки бузиш, давлат чегарасини ноқонуний кесиб ўтиш ва қотиллик тўғрисидаги моддалар бўйича жиноий иш очилган.

Қуролли можаро 28 апрель куни сув тарқатиш пункти яқинидаги қирғиз ва тожик қишлоқлари аҳолиси ўртасида бошланган. Кейинчалик бунга чегара қўшинлари аралашди. Томонлар эскалацияни бир-бирларини айблашди. Ўтган шанба куни Қирғизистон ва Тожикистон вакиллари ўт очишни тўхтатиш ва қўшинларни доимий жойлашиш жойларига олиб чиқиш тўғрисида протокол имзолашди.

2 май, якшанба куни Қирғизистон Республикаси Президенти Садир Жапаров Тожикистонга қўшни ёки аралаш қишлоқларда яшовчи икки мамлакат оқсоқолларининг «тинчликпарварлик комиссиясини» тузишни таклиф қилди.

XS
SM
MD
LG