Оның айтуынша, Әндіжан қалалық депутаттар кеңесінің кезекті отырысына құқық қорғау органдарының өкілдері баса-көктеп кіріп келіп, бір топ депутатты тінтіген. Одан соң жер сатушыларды әшкерелеген депутатты иммунитетінен айырған.
"Соған қарағанда, депутат құқықтарын бұзғандар, жер сатушылармен бірлесіп, депутатты түрмеге отырғызғысы келген болуы керек", - деп жазды Расул Кушербаев.
Human.uz сайты адвокат Саидали Мухторалиевтің мақаласын жариялады. Онда иммунитеттен айрылған депутат Ш. Каримов екені айтылған.
Адвокаттың хабарлауынша, иммунитеттен айрылған депутат бұның алдында хокимнің заңсыз шешімдерінің күшін жойып, Әндіжан қаласының прокурорын тексеруден өткізуді талап еткен.