Ижтимоий тармоқда тарқалган видеода 37 ёшли тиктокер ҳайкал қучоғида ётгани акс этган, тасвирга олувчининг “Нима қиляпсан?” деган саволига у “Ётибман онахоннинг қучоғида” дея жавоб берган, айни пайтда “онахон”ни танимаслигини эътироф этган.
Ҳодиса ортидан тиктокер судланиб, Маъмурий жавобгарлик тўғрисидаги кодекснинг 183-моддаси билан жазога тортилган. Суддан сўнг З.К. қилган ишининг ножўя эканини тушуниб етганини, халқдан узр сўрашини айтган.
Маҳаллий матбуот хабарига кўра, Андижон тумани “Қўшчинор” маҳалласида яшовчи, 3 нафар фарзанди отаси бўлган 37 ёшли бу тиктокер аввал ҳам ўзини поезд тагига ётиб олгандек кўрсатиб, видео олгани учун жазога тортилганди.
Аввалроқ Озодлик Каттақўрғон боғидаги Навоий ҳайкали олдида “ноўрин ҳатти-ҳаракатларни амалга оширган” тиктокер ва унинг шериги суд ҳукми билан 15 суткага қамалгани ҳақида хабар қилган эди.