Учрашувдан олдин ташқи ишлар вазирларини КХШТ Коллектив хавфсизлик кенгаши раиси, Тожикистон Президенти Имомали Раҳмон қабул қилиши кутилмоқда.
Учрашув яқинда КХШТга аъзо икки давлат ўртасидаги қуролли чегара можароси фонида бўлиб ўтмоқда. Ушбу масала йиғилиш кун тартибига киритилганлиги маълум эмас.
Хабарларга кўра, Тожикистон ташқи ишлар вазири Сирожиддин Муҳриддин 19 май куни россиялик ҳамкасби Сергей Лавров билан музокара ўтказган.
Учрашувда томонлар икки мамлакат ўртасида парвозларни тиклаш, тожикистонлик меҳнат муҳожирларининг Россиядаги муаммолари, тожик-афғон чегарасидаги хавфсизлик ва яқинда Тожикистоннинг Қирғизистон билан чегарасида юзага келган можарони муҳокама қилдилар.
Учрашувда Лавров Москва Тожикистон билан ҳаво қатновини тезроқ тўлиқ тиклаш тарафдори эканлигини таъкидлади. «Биз мунтазам ҳаво қатновининг частотаси ва ҳажмини имкон қадар тезроқ тиклаш ниятидамиз, шу жумладан Россияда ўқиётган барча тожикистонлик талабаларнинг қайтиши учун. Бу деярли 20 минг кишини ташкил этади», — деди у.
Лавров меҳнат миграцияси қуйидаги фикрларни билдирди: «Биз миграция соҳасидаги икки томонлама ҳамкорликни юқори баҳолаймиз. Бизнинг тожик дўстларимиз, меҳнат муҳожирларини Россия қонунчилигига риоя қилиш тўғрисида хабардорлигини ошириш учун қўшимча чоралар кўришга ваъда беришди, шунда биз бугунги кунимизга дуч келмаслигимиз керак.»
Пандемия туфайли икки мамлакат ўртасида режали рейслар тўхтатилди, аксарият оилалар молиявий қийинчиликларга дуч келишмоқда. 1 апрелдан Тожикистон ва Россия ўртасида парвозлар чекланган режимда тикланди.
Сўнгги бир йил ичида чегаралар ёпилгани сабабли, Россия университетларида таҳсил олаётган кўплаб тожикистонлик талабалар ўз ватанида қолиб кетишди ва масофадан туриб ўқишди. Шу вақт ичида Россиянинг баъзи университетлари талабаларни дарсга келмаса, уларни чиқариб юбориш билан таҳдид қилишди.
КХШТ 1992 йилда ташкил этилган бўлиб, ҳозирги кунда Арманистон, Белоруссия, Қозоғистон, Қирғизистон, Россия ва Тожикистонни ўз ичига олади.