Кинорежиссёрнинг парчаланиб кетган жасади якшанба куни Теҳронда турли жойлардаги бир нечта ахлат қутиларидан топилган: эркак ўлдирилган ва бўлакларга бўлинган, тана қисмлари эса бир нечта сумкаларга қадоқланган. Кўп ўтмай, унинг ота-онаси ўғлини ўлдирганликларини, режиссёр «ахлоқсиз» турмуш тарзини олиб боргани ва оила қуришдан қатъиян бош тортгани учун иқрор бўлишди, деб хабар беради Озодлик радиоси Эрон хизмати.
Режиссёрнинг отаси қотилликда айбланиб ҳибсга олинган, онаси эса қотилликка ёрдам берганликда айбланган. Судьянинг сўзларига кўра, Бабакнинг отаси «соғлом ва ақлдан озмаган». Шунингдек, у қилган ишидан «пушаймон эмаслигини» таъкидлади.
Эронлик кинорежиссёр 2009 йилда Теҳрон университетини тугатган, ундан кейин у узоқ вақт Лондонда яшаган. Англияда у бир нечта фильмларни суратга олди: “Кривез” ва «Яшарга қасамёд», аммо кейинчалик ватанига Эронда қайтиб келди ва у ерда шафқатсизларча ўлдирилди. Теҳрон Жиноят ишлари бўйича суди раҳбари Муҳаммад Шаҳриярининг сўзларига кўра, ота ўғлига ҳушидан кетказадиган дори берганини тан олган. Кейин у пичоқ билан жароҳат етказиб, жасадни парчалагн ва қолдиқларни ахлатга ташлаган.
«Биз учта сумка тайёрладик, бу сумкаларга Бабак танасининг қисмларини солдик ва тунда соат 12 ларда жасадни уйдан олиб чиқишга қарор қилдик», деди отаси, тергов материалларига кўра.
Эроннинг Хамшаҳри газетаси Бобак Хуррамдиннинг отасининг сўзларини келтиради: «У мени ва онасини тингламади, бизнинг обрўйимиз хавф остида эди. У ҳар куни ўқитувчилик баҳонасида ёш қизларни уйига олиб келиб, хонасига олиб кириб кетарди. У бизга эътироз билдирди, ҳақорат билан жавоб қайтарди, мен бу йиллар давомида Бабакни тарбиялашда қийналдим. У доим мени ва онасини урарди. Менда бошқа илож йўқ эди.»
Теҳрон жиноий суди раҳбарининг чоршанба куни айтишича, ўлдирилган режиссорнинг ота-онаси яна иккита қотилликни: ўзларининг қизи ва унинг эрини ўлдирганини ҳам тан олган. Оила 1997 йилда бедарак йўқолган, уларнинг машинаси аэропорт ёнидан топилган.
Хуррамдин воқеасида бўлгани каби, қотилликнинг сабаби, ота-оналарнинг фикрига кўра, қурбонлар олиб борган «ахлоқсиз» ҳаёт тарзи бўлган. Ота-оналар қизи ва унинг эрини гўёки «алкоголь ичимликлар ва гиёҳвандликдан фойдаланганликларини» айтишган. Бироқ, полиция ушбу сўзларни ҳамда эркак ва аёлни ота-онаси ўлдирганлигини расман тасдиқламаган. Ҳаммаси бўлиб Бобак Хуррамдиннинг отаси тўрт фарзандли бўлган, улар 50 ёшдан 60 ёшгача.
Аввалроқ Эронда Али Фазели Монфаред ўлдирилган эди: оила аъзолари эркакнинг гомосексуал эканлигини билиб, «шарафли ўлдириш» содир этишган.