Хусусан, Белоруссия авиацияси томонидан Европа Иттифоқининг барча 27 давлатларининг ҳаво кенглигидан фойдаланиш тақиқланган. Европа Иттифоқи Кенгаши ўзининг расмий баёнотида Европа Иттифоқининг барча авиакомпанияларини Белоруссия ҳудуди устидан учиб ўтишга йўл қўймасликка чақиради.
Европа раҳбарларининг Лукашенко режимига қарши санкцияларни қабул қилиш бўйича принципиал келишуви — иттифоқчиларнинг ўтган якшанба куни Грециядан Литвага учаётган йўловчи лайнерининг Минскка мажбурий қўнишига жавобидир. Минск аэропортига қўнгандан сўнг, Беларус ҳукумати журналист ва блогер Роман Протасевични ҳибсга олди, у Лукашенко режимини танқид қилди ва ҳокимиятнинг репрессив ҳаракатларига қарши тинч ҳаракатларда очиқ қатнашди. Ҳибсга олинган Протасевич Минскдаги тергов изоляторига олиб кетилди.
Европа Иттифоқи Кенгашининг баёнотида, шунингдек, Роман Протасевич ва София Сапега зудлик билан озод қилиниши талаб қилинган. Уларга ҳаракат эркинлиги кафолатланган бўлиши керак, дейилади ҳужжатда.
Шу билан бирга, Брюссел Халқаро фуқаро авиацияси ташкилотини (ICAO) «ушбу мисли кўрилмаган ва қабул қилиниши мумкин бўлмаган ҳодиса» бўйича зудлик билан тергов ўтказишга чақирди.
