Мәліметтерге қарағанда, Өзбекстан Serum Institute, Bharat Biotech секілді үндістандық вакцина дайындаушы компанияларымен бірге жұмыс істегісі келеді.
"Өзбекстанның еркін экономикалық аймақтарында үндістандық компаниялармен бірлескен жобалар жасауға ерекше мән беріледі", - деді өзбек елшісі Мумбайда Дүниежүзілік сауда орталығында (MVIRDC) өткен кездесуде.
Сонымен бірге елші үнді компанияларын Өзбекстаның химия, мақта-мата, тері, ақпарат және телекоммуникация салаларына инвестиция салуға үндеді.
Хабарларға қарағанда, былтыр Үндістан мен Өзбекстан 3 миллиард доллардың 50 инвестициялық жобасы бойынша келісімге отырған. Үндістан Өзбекстандағы төрт даму жобасына 448 миллион доллар бөлген.
"Қазір 280 компания Өзбекстанда үнді капиталымен 650 миллион доллардың жобаларын жүзеге асырып жүр", - делінген мәліметте.