Ссылки доступа

Самарқандда хотинини кетмон билан уриб ўлдириб қўйган эр 18 йилга қамалди


Самарқанд вилоятининг Пайариқ туманида “ғурури топталган” 30 яшар йигит хотинини кетмон билан уриб ўлдирди. Бу ҳақда Олий суд матбуот хизмати маълумот тарқатди.

Қайд этилишича, эр-хотин ўртасида уй таъмири чўзилиб кетгани устида жанжал чиққан. Жанжал чоғида аёл эрининг елкасига кетмон дастаси билан урган. Аёл киши томонидан калтакланиб, ўзини ғурури поймол бўлгандек ҳис қилган эр хотинининг қўлидан кетмонни тортиб олиб, унинг пешонасига урган. Хотини зарбадан йиқилиб тушганидан кейин ҳам у аёлнинг дуч келган жойига кетмон билан ураверган.

Шундан сўнг қайнотасининг уйида яшаган йигит жуфтакни ростлаган. Воқеадан хабар топган аёлнинг яқинлари уни шифохонага олиб боришган, ўша ерда унинг ўлгани қайд этилган.

Кўп ўтмай, эр ўз ихтиёри билан Пайариқ туман Ички ишлар бўлимига бориб, хотинини калтаклаганини тан олган. Унга аёлининг вафот этгани айтилган.

Кейинроқ хотинининг ўлимида айбдор деб топилган эрга туман суди томонидан 18 йилга озодликдан маҳрум қилиш жазосини тайинланган.

XS
SM
MD
LG