Ҳужжатга мувофиқ, Ўзбекистон Осиё тараққиёт банкидан 40 йилда қайтариш шарти билан 100 миллион доллар, Осиё инфратузилмавий инвестициялар банкидан эса 30 йилда қайтариш шарти билан 100 миллион доллар қарз олади.
ОТБдан олинган қарз ҳисобидан 35 миллион долларига тез тиббий ёрдам махсус автотранспорт воситалари харид қилиниши айтилган.
Қарор билан халқаро молия ташкилотларидан олинган бу қарзларнинг барчаси бюджет маблағларидан қайтарилиши белгиланган.
Аввалроқ Молия вазирлиги, 2021 йилнинг 1 апрель ҳолатига кўра, Ўзбекистонда давлат қарзи 23,2 миллиард долларни ёки ЯИМга нисбатан 40,1 фоизни ташкил этгани, йил бошига нисбатан 133,7 миллион долларга ёки ялпи ички маҳсулотга нисбати 0,3 фоизга камайганини билдирган эди.