Аймақтың әсем табиғаты туралы видеоларымен танымал болған 39 жастағы блогер Alivvza атты каналын 2016 жылы ашқан. Бүгінгі күнге дейін 144 мыңнан астам жазылушысы бар. Оның жариялаған видеоларын 10 мыңнан 1 миллионға дейін адам көріп келген.
"Бұлай жалғаса беруі мүмкін емес. Менің видеоларым бойынша әр жерден телефон соғып, сөгіп жатады. Сондықтан бәрін тастап, өмір сүруден ләззат аламын деп шештім", - дейді блогер "қоштасу видеосында".
Ол журналистерге YouTube каналының жабылу себебі туралы айтудан бас тартып, тек шаршағанын, демалғысы келетінін жеткізген.
Бірақ Шодимухаммад Кодиров атты жергілікті тұрғын соңғы кездері блогерге билік тарапынан қысым болғанын айтады. "Мен бұл жағдайды жақсы білетін адаммен сөйлестім. Олар билік Файзалиден өлке басшысының саясатын мақтап, билікті сынағандарға қарсы сюжет жасауды тапсырған. Блогер өзін саясатқа араластырмауын сұраған. Бірақ аудан билігі оған "біздің айтқанды істейсің не мүлдем жұмыс істемейсің" деген шарт қойған", - дейді Кодиров.
Аудандық ішкі істер бөлімінде аты-жөнін айтқысы келмеген бұлақ видеоблогерге қысым болғанын растады. Оның сөзінше, Файзали Сафаров жер телімдерінің жетіспеуіне наразылық білдірген ауыл тұрғындарын айыптап видеосюжет жасау керек болған.
"Менің білуімше осы мәселе бойынша арнайы қызметке де оны шақырған", - дейді бұлақ көзі.
Сангвор аудандық әкімшілігі видеоблогерге қысым жасалғанын теріске шығарды. "Мен оның видеоларын көріп жүрмін. Өте жақсы видеолар. Біз блогерлерге туризмге қатысты сайтымызбен әріптестік орнатуға шақырғанбыз. Бізде блогерлермен ешқандай проблема жоқ", - деді әкімшілік өкілі Шоди Рахмонов.
Файзали Сафаров 2017 жылы Тәжікстанда "YouTube батыры" деген атақ алған. 2019 жылы Озоди радиосының "Менің ауылым — отанымның бір бөлігі" деген байқауға қатысып, бас сыйлықты жеңіп алған.
Жергілікті және халықаралық құқық қорғау ұйымдары соңғы жылдары Тәжікстанда БАҚ өкілдеріне қарсы қысым күшейгенін айтып келеді.
"Шекарасыз тілшілер" халықаралық ұйымының 2020 жылда жарияланған сөз еркіндігі бойынша рейтингінде Тәжікстан 180 өлкенің ішінен 161-орынға орналасқан.