Ссылки доступа

Жиззахда газ тўлдираётган машина ёниб кетди


Жиззах шаҳридаги газ тўлдириш шохобчасида 30 май куни соат 19 лар атрофида ёқилғи бакига газ тўлдираётган автомашина ёниб кетди. Бу ҳақда Ички ишлар вазирлиги Йўл ҳаракати хавфсизлиги Бош бошқармаси 3 июнь куни хабар берди.

Расман билдирилишича, Dongfeng русумли автомобил “Тransenergoоil” МЧЖга қарашли автомобилларга газ тўлдириш шохобчасида газ тўлдириш вақтида машинага уланган газ шлангини узмасдан ҳаракатланиб кетган. Бунинг оқибатида ёнғин юз берган.

“Ёнғин натижасида ҳеч ким тан жароҳат олмаган. Бироқ автомашина тўлиқ ёниб кетган”,-дейилади хабарда.

Ўзбекистонда газ билан “заправка” қилувчи автомобилларнинг газ баллонлари ёрилиши ёки уларнинг газланаётган пайтида портлаб кетгани тўғрисидаги хабарлар янгилик эмас.

Масалан, 1 июнь куни “Термиз-Тошкент” йўлининг Сирдарё вилояти Оқолтин туманидан ўтувчи қисмида “Ласетти” автомашинасининг газ баллони портлаши оқибатида икки киши ҳалок бўлди, икки киши тан жароҳатлари билан касалхонага ётқизилди.

XS
SM
MD
LG