Бұл туралы Азаттықтың қырғыз қызметіне заңгер, адам құқықтарын қорғаушы Сания Токтогазиева хабарлады. "Рим мәртебсінің 15-бабына сүйене отырып, жәбірленушілер мен азаматтық қоғам атынан Халықаралық қылмыстық сот прокурорына communication (арыз) жолдадым.
Қырғызстанның бейбіт тұрғындарына қарсы әскери қылмыс жасау оқиғасы бойынша Тәжікстанның қолбасшылары мен әскери қызметкерлеріне қатысты тексеру жүргізуін сұрадым. Мәліметтер жинауға, үндеу жазуға көмектескендердің бәріне алғыс айтамын", – деді ол.
Сания Токтогазиева жолдаған арызға заңгерлер, адам құқықтарын қорғаушылар және қоғамдық ұйымдардың өкілдері қол қойды.
Еске салайық, Қырғызстан мен Тәжікстан шекарасындағы әскери жанжал 28-30 сәуірде болды. Қырғыз жағынан 36 адам қаза тапты. Тәжік билігі 19 адамның мерт болғанын хабарлады.