Ссылки доступа

АҚШ Сенати Хитой билан рақобатлашишга 250 миллиард доллар ажратди


Чак Шумер

АҚШ Сенати сешанба куни илмий тадқиқотлар, юқори технологияли ишлаб чиқаришларни молиялаштириш учун 250 миллиард доллар ажратишни назарда тутувчи қонун лойиҳасини маъқуллади.

Мақсад Хитойнинг рақобати олдида АҚШнинг инновациялар бўйича етакчилигини сақлаб қолишдир.

Янги қонун лойиҳасидаги асосий харажатлар моддаси АҚШнинг яримўтказгич саноатини қўллаб-қувватлашдир, бу эса 50 миллиард долларлик давлат сармоясини олиши керак. 1990 йилда Қўшма Штатлар дунёдаги яримўтказгичларнинг 37 фоизини ташкил қилар эди, ҳозирда бу 12 фоизни ташкил этади. Қонун чиқарувчилар Қўшма Штатлар хорижий ишлаб чиқарувчиларга технологияни ривожлантиришнинг ушбу муҳим соҳасида ҳаддан ташқари қарам бўлиб қолишидан қўрқишади. Коронавирус пандемияси пайтида пайдо бўлган яримўтказгичларнинг етишмаслиги, уларни ишлаб чиқаришда Хитойнинг роли ўсиб бораётганлигини намойиш этди.

Технологик ютуқларга олиб келиши мумкин бўлган тадқиқотларни рағбатлантириш учун давлат илмий марказларини, хусусий фирмалар ва университетларга турли грантларни молиялаштириш учун юзлаб миллиард доллар маблағ ажратилади.

Биз ҳали кўрмаган сунъий интеллект, квант ҳисоблаш, янгиликлар билан боғлиқ технологияларни ривожлантирадиган мамлакатлар дунёни ўз қиёфаси ва ўхшашлиги билан ўзгартиради, деди қонун лойиҳаси ташаббускорларидан бири, демократ сенатор Чак Шумер. «Ёки биз душманларимизга дунё етакчиси ролидан воз кечамиз ёки Америка етакчилигининг бошқа авлоди учун йўл очамиз», деди Чак Шумер.

Икки партиядан 68 сенатор қонун лойиҳасига овоз берди, 32 та қарши, бу Демократик ва Республикачилар партиялари вакиллари ўртасидаги ҳамкорликнинг нодир намунасидир.

Ушбу қонун лойиҳасининг мухолифлари давлат бозор жараёнларига бу қадар кенг миқёсда аралашмаслиги керак деб ҳисоблайдилар. Ҳозиргача уларнинг айтишича, хусусий капитал истиқболли технологиялар тенденцияларини аниқлашда муваффақият қозонган ва бу соҳада АҚШга глобал етакчилик ролини тақдим этишга сармоя киритган.

Худди шундай қонун лойиҳаси Вакиллар палатасида кўриб чиқилмоқда.

XS
SM
MD
LG