Қайд этилишича, “Бозоржўй” маҳалласи ҳудудида жойлашган “Кўктўнли ота” қабристонида ёнғин чиққанига оид маълумот туман Фавқулодда вазиятлар бўлимига шанба куни соат 11:05 да келиб тушган.
Ёнғинни ўчириш учун бўлим томонидан икки экипаж жалб қилинган ва соат 12:54 да ёнғин тўлиқ бартараф этилган.
Ҳодиса чоғида бир қанча қабрга шикаст етгани айтилмоқда.
Ёз жазирамасида қабристон ҳудудида юз берган ёнғин сабаблари ҳозирча маълум эмас.
Ҳокимлик маълумотига кўра, айни пайтда ёнғин ҳодисаси юзасидан терговга қадар суриштирув ишлари олиб борилмоқда.