Ссылки доступа

Бишкекда эпидемиологик вазиятнинг оғирлашгани сабабли чекловлар қайта жорий этилмоқда


Бишкекда 17 июндан бошлаб кўнгилочар муассасалар ва умумий овқатланиш шохобчалари фаолиятига чекловлар қўйилди.

Пойтахт мериясининг хабар беришича тунги клублар, ресторанлар, кафелар, караоке, барлар соат 23.00 дан 07.00 гача ишлайди. Чекловлар эпидемиологик вазият яхшиланмагунча амал қилади.

Тегишли тузилмаларга вақтинча санитария-эпидемиология қоидаларига риоя қилиш бўйича мунтазам рейдлар ўтказиш тўғрисида кўрсатма берилди.

Қирғизистонда сўнгги бир ҳафта ичида COVID-19 статистикаси кескин ўсиб бормоқда. 16 июнь куни 647 та янги юқтириш ҳолатлари аниқланди — ўтган йил июлидан бери, мамлакатда коронавирус эпидемияси авжига чиққанидан бери бундай ўсиш бўлмаган. Соғлиқни сақлаш ва ижтимоий ривожланиш вазирлиги ҳозирда эпидемиянинг учинчи тўлқини давом этаётганини маълум қилди. Иккинчиси 2020 йилнинг кузида бўлиб ўтди.

Коронавирус эпидемиясининг биринчи тўлқини 2020 йил июлга тўғри келди. Иккинчи тўлқин октябрь-ноябрь ойларида содир бўлди.

Вазирлар Маҳкамаси раҳбари Улукбек Марипов давлат органларига ўтган йилги инқирознинг такрорланишига йўл қўймаслик тўғрисида кўрсатма берди.

1912 киши инфекция қурбонига айланди.

XS
SM
MD
LG