Ссылки доступа

Узбекистон аз сифр Андиҷони нав месозад


Президенти Узбекистон Шавкат Мирзиёев санги асоси шаҳреро гузошт, ки дар ноҳияи Андиҷони он кишвар аз сифр бунёд мешавад.

Тавре хадамоти матбуотии президенти Узбекистон хабар дод, тарҳи шаҳри нав бо мутахассисони турк коркард шудааст.

Андиҷони нав дар наздикии Андиҷони кунунӣ барои беш аз 450 ҳазор одам сохта мешавад. Масоҳати умумии он чор ҳазор ҳектарро ташкил медиҳад, ки ду ҳазор ҳектар барои баландошёнаҳои зист, иншоотҳои иҷтимоӣ, хидматрасонӣ ва минтақаи саноатӣ пешбинӣ шуда, дар ду ҳазор ҳектари дигар мақомот мехоҳанд, "минтақаи сабз"-ро бунёд кунанд.

Шаҳр дар чаҳор марҳала, аз соли 2021 то 2041 бунёд хоҳад шуд. Соли равон аз ҳисоби Бунёди бозсозӣ ва рушд барои сохтмони он 100 миллион доллар ҷудо карда мешавад. Дар марҳалаи аввал 170 бинои баландошёнаи зист, мактаб, боғча ва бунгоҳи тиббӣ мавриди истифода қарор хоҳад гирифт.

XS
SM
MD
LG