«Эти Бакир Терексай» МЧЖ матбуот хизматининг хабар беришича, 2021 йил бошида компания 62 та уй эгаларига коннинг ишлаш муддатини узайтириш мақсадида кўчмас мулкларини сотиб олишни таклиф қилган. Кейинчалик ҳукумат қарори билан ерларни бегоналаштириш бўйича комиссия тузилди, у ушбу уйларни кўчириш тўғрисида қарор қабул қилади.
Вазиятдан чиқишнинг учта варианти кўриб чиқилаётганлиги таъкидланди: мустақил экспертларнинг қонунчиликка мувофиқ баҳолари асосида товон пули тўлаш, алоҳида ер участкасини ажратиш ёки ушбу икки қарорнинг комбинацияси. «Ҳукумат комиссиясининг якуний қарорига биноан, Эти Бакир Терексай танланган дастурни амалга оширишни молиялаштиради», — дея компания ишонтирди ва ер, уй-жой сотиб олиш ихтиёрий равишда ҳамда мажбурловсиз амалга оширилишини эслатиб ўтди.
Хабарларга кўра, маҳаллий аҳоли учун баҳоловчиларнинг маслаҳати бепул бўлади.
Эслатиб ўтамиз, «Эти Бакир Терексай» МЧЖ «Қирғизалтын» ОАЖ (25% улуш) ва «Терек», “Тереккан” ҳамда “Перевалное” конларини ўзлаштираётган Туркиянинг «Эти Бакир» (75% улуш) қўшма корхонаси. Бугунги кунда компанияда 646 киши ишлайди, улардан 90% маҳаллий аҳоли.