Ссылки доступа

Тожикистон ҳукумати COVID-19 инфекциясининг янги ҳолатларини тасдиқлади


Медицинский центр "Истиклол" в Душанбе

Тожикистон расмийлари мамлакатда коронавирус инфекцияси борлигини тасдиқладилар.

21 июнь куни янги CОVID-19 инфекциясининг тарқалишининг олдини олиш бўйича эпидемияга қарши чораларни кучайтириш бўйича республика штаби мамлакатдаги тиббиёт муассасаларида коронавирус билан касалланишнинг янги ҳолатлари тўғрисида хабар берди.

Йил бошидан бери Тожикистон расмийлари CОVID-19 билан касалланганлар йўқлиги ҳақида хабар беришди. Соғлиқни сақлаш вазирлигининг маълумотларига кўра, пандемия бошланганидан буён Тожикистонда коронавирус 13 308 кишида қайд этилган, 90 нафар бемор инфекция қурбонига айланган. Бироқ, мустақил манбалар коронавирусни юқтирган ва ушбу инфекциядан вафот этганлар сони расмий статистикада кўрсатилгандан анча кўп эканлигини даъво қилмоқда.

Янги CОВИД-19 инфекцияси тарқалишининг олдини олиш бўйича эпидемияга қарши чораларни кучайтириш бўйича республика штаби касалликнинг навбатдаги авж олишининг асосий сабабини бепарволик, чет элдан қайтаётган фуқароларнинг ўзини ҳимоя қилиш учун белгиланган муддатларга риоя қилмаслик билан боғлади.

Тожикистон ҳукумати тегишли қарорларни қабул қилаётганликлари, шу жумладан тегишли вазирлик ва идоралар томонидан аҳоли томонидан шахсий ва жамоат гигиенаси қоидаларига риоя қилинишини назорат қилиш, хизмат кўрсатиш ва маданият марказлари устидан назоратни кучайтириш бўйича фаолиятни мувофиқлаштиришни кучайтириш тўғрисида қарор қабул қилаётгани ҳақида хабар беради.

12 июнь куни “Азия-Плюс” ахборот агентлиги мамлакатда шифокорлар, лаборатория ходимлари ва беморларнинг қариндошларига мурожаат қилиб коронавирус инфекциясининг янги ҳолатлари ҳақида хабар беришди. Душанбе шаҳрида яшовчи фуқаронинг айтишича, май ойи охирида дастлаб отаси, сўнгра онаси CОVID-19 юқтирган.

Тожикистон Соғлиқни сақлаш вазирлиги ушбу маълумот асоссиз ва мамлакатда коронавируснинг янги ҳолатлари қайд этилмаганлигини таъкидлади. Бир ҳафта олдин Соғлиқни сақлаш вазирлиги вакили Эмомали Мирзоев берган интервьюсида бир нечта одамда CОVID-19 аломатлари борлигини тасдиқлади, аммо уларнинг барчасида коронавирус тестлари салбий бўлганини айтди. «Бу одамларнинг аксарияти, июнь ойи бошларида жазирама пайтида ҳаддан ташқари совуқ ва ҳаттоки муздек сув ичиб, совуқ сувларда сузишган. Шифокорларга мурожаат қиладиган одамлар одатда юқори иситмага эга. Аммо уларда коронавирус йўқ», — деган эди ўшанда Имомали Мирзоев.

XS
SM
MD
LG