Ссылки доступа

Туркманистон пойтахти чет эллик ишчилар учун энг қиммат шаҳарлар рейтингида биринчи ўринни эгаллади


Бу дунёдаги компаниялар ва ҳукуматлар учун маълум бир шаҳарда ишчиларга қанча маош тўлашни ҳисоблаш учун тузилган Американинг Mercer консалтинг компаниясининг рейтингидан келиб чиқади.

Ўтган йили Ашхобод рейтингда иккинчи ўринда эди. Таъкидланишича, ушбу шаҳарда яшаш нархининг кўтарилиши узоқ давом этган молиявий инқироз билан боғлиқ бўлиб, бу озиқ-овқат танқислиги ва гиперинфляцияга олиб келди.

Рейтингга 209 та шаҳар киритилган. Уни тузишда компания уй-жой, транспорт, озиқ-овқат нархларини ҳисобга олади, шунингдек, 200 дан ортиқ товар ва хизматларнинг нархини баҳолайди.

Кучли бешталикка Гонконг, Бейрут, Токио ва Сюрих ҳам киритилган. Бейрут рўйхатдаги 45-ўриндан бир йил ичида учинчи ўринга кўтарилди. Mercer буни Ливандаги коронавирус пандемияси ва 2020 йил августида Бейрут портидаги портлаш туфайли кучайган иқтисодий инқирознинг ривожланиши билан изоҳлайди.

Москва 21-ўринда, Санкт-Петербург 59-ўринда. Собиқ иттифоқ республикаларининг пойтахтлари ҳам ушбу рўйхатга киритилган: Киев — 106, Рига — 113, Таллин — 146, қолганлари 157-ўриндан ва ундан пастроққа киритилган.

XS
SM
MD
LG