Ссылки доступа

Әндіжанда құл сұқпаушылық мәртебесінен айырылған депутат қамауға алынды


Әндіжан қалалық мәслихатының қол сұқпаушылық мәртебесінен айырылған депутаты Шухрат Каримов қамауға алынды. Бұл туралы жергілікті басылымдар хабарлады.

Ақпаратқа қарағанда, депутатқа "Алаяқтық", "Мемлекеттік емес коммерциялық ұйым қызметін асыра пайдалану", "Құжаттарды, мөрлерді қолдан жасап қолдану және сату" баптары бойынша айыптар тағылған.

Осыған дейін Шухрат Каримовқа бірнеше қылмыстық іс қозғалып, оның депутаттық сол сұғылмаушылық мәртебесі алынғаны хабарланған. Ол кезде бірқатар депутаттар Каримовті қолдап, "заңсыз жер сату фактісін ашқаны үшін және қалалық прокурорларды аттестациядан өткізуді талап еткені үшін" қуғынға ұшырағанын айтқан.

Депутатты қол сұғылмаушылық мәртебесінен айыруды елдің әділет министрлігі мен жемқорлыққа қарсы күрес қызметі айыптаған. Ал елдің бас прокуратурасы болса "депутат құрылыс істерін рұқсатсыз бастады деп" жергілікті әкім мен қалалық прокурорды қолдайтынын мәлімдеген.

XS
SM
MD
LG