Бу ҳақда 30 июнь куни Тожикистон молия вазири Файзиддин Қаҳҳорзода Тожикистон парламенти қуйи палатаси депутатлари олдида сўзлар экан, маълум қилди.
«Лойиҳанинг умумий қиймати 26,8 миллион долларни ташкил этади. Бунинг 25 миллион доллари ОТБнинг грантлари ва 1,8 миллион доллари Тожикистон ҳиссаси», — деди Молия вазирлиги раҳбари. Бу йил бошланган ва 2023 йилга қадар якунланиши режалаштирилган лойиҳа таркибига 3,4 миллион доза COVID-19 вакцинаси ҳамда керакли сақлаш идишлари ва шприцлар сотиб олиш киради.
Аввалроқ, Жаҳон банки Тожикистонда биринчи ўринга эга бўлган аҳолини эмлаш учун 8,63 миллион доллар миқдорида беғараз маблағ ажратаётганини маълум қилганди. Тожикистонда COVID-19 пандемияси фавқулодда вазиятларни бартараф этиш лойиҳаси учун қўшимча маблағ жорий йилнинг 11 февралида Жаҳон банки Ижрочи директорлар кенгаши томонидан тасдиқланган.
Тожикистон ҳукумати коронавирусга қарши вакциналар сотиб олишни ҳали бошламаган. 20 июнь куни кечқурун Sinovac Research & Development Co. томонидан Тожикистонга COVID-19га қарши 300 минг дозалик Хитой вакцинаси етказиб берилди. «Тожикистон Соғлиқни сақлаш вазирлиги бу Хитой ҳукуматининг тожик халқига бепул совғаси эканлигини айтди. Бунгача мамлакат Жаҳон соғлиқни сақлаш ташкилотининг COVAX дастури доирасида 192 минг дозали AstraZeneca вакцинасини олган.
Соғлиқни сақлаш вазирлиги маълумотларига кўра, Тожикистонда 205 мингдан ортиқ одам коронавирусга қарши эмлашни олган.
Йил бошидан бери расмийлар мамлакатда коронавирус инфекциясининг мавжудлигини рад этишди. Бироқ, 21 июнь куни COVID-19 тарқалишининг олдини олиш бўйича республика штаби мамлакатда янги коронавирус ҳолатлари мавжудлигини расман тан олди. Штабнинг таъкидлашича, касалликнинг янги авж олишининг асосий сабаби чет элдан уйига қайтган тожикистонликларнинг ўзини ўзи ажратиш шартлари ва хавфсизлик чораларини бажармаганлиги, шунингдек, фуқароларнинг ниқоб ва бошқа ҳимоя воситаларини кийишни истамаслигидир.
30 июнь куни эрталаб Тожикистонда коронавирус билан касалланганлар сони, мамлакат Соғлиқни сақлаш вазирлигининг маълумотларига кўра, 18 кишига кўпайиб, 13 478 кишини ташкил қилди. Баъзи шифокорларнинг айтишича, исмини ошкор қилмаслик шарти билан, бу йил коронавирус билан касалланганлар сони Соғлиқни сақлаш вазирлигининг расмий статистикасида кўрсатилганидан анча кўп.