Мемлекеттік ақпарат құралдарының хабарлауынша, қонақ үйді Ашғабад қаласы әкімдігінің тапсырмасымен Bouygues Batiment International француз құрылыс компаниясы тұрғызған.
Қонақ үй президент Бердымұхамедовтің ресми атағы - "Аркадаг" деп аталды. Қымбат ғимарат ашылған күні Бердымұхамедов 64 жасқа толды.
Қонақ үйде 14 қабат бар, ғимараттың биіктігі 77 метр.
Бердымұхамедов Түркіменстанды 14 жылдан бері басқарып отыр. Халықаралық адам құқықтарын қорғау ұйымдары оны авторизм жүйесін құрып, адам құқықтарын аяққа таптады деп айыптап отыр.
Астанада зәулім қонақ үй ашылған уақытта түркімен халқы экономикалық ауыр дағдарысты бастан өткеріп жатыр. Елде азық-түлік тапшы, баға қымбат.
Бақылаушылардың айтуынша, Түркіменстанда бас көтерген қымбат қонақ үйлердің дені бос тұр. Жабық Түркіменстанға шетел туристері келмейді.