Ссылки доступа

Жаңы-Өзөндө беш күндөн бери "КЕЗБИ" компаниясынын жумушчуларынын иш таштоосу уланууда (видео)


Казакстандын Жаңы-Өзөн шаарында эмгек шартын жакшыртууну жана маянаны көбөйтүүнү талап кылып жаткан "КЕЗБИ" мунай-сервис компаниясынын жумушчуларынын иш таштоосу беш күндөн бери уланууда.

Алар иш таштоо башталгандан кийин түзүлгөн макулдашуу комиссиясынын ишине нааразы экенин билдирип жатышат.

Жумушчулар өлкө жетекчилигине видеокайрылуу жасап, президент Касым-Жомарт Токаевди, премьер-министр Аскар Маминди, ошондой эле Кесиптик кошуундар бирлигинин төрагасы Сатыбалды Даулеталин менен "КазМунайГаз” улуттук компаниясынын жетекчиси Алик Айдарбаевди алардын маселесине көңүл буруп, аны чечип берүүгө чакырышты.

Кайрылууда алар иш таштаган жумушчулардын талаптары аткарылгандыгы тууралуу жергиликтүү басылмалардагы маалыматтарды четке кагышты.

«Биз, "КЕЗБИ" ишканасынын жумушчулары беш суткадан бери Эмгек кодексине ылайык өз нааразылыгыбызды билдирип, иш таштоону улантып жатабыз. "КЕЗБИнин" жетекчилиги комиссия сураган документтерди бербей жатат», — деп билдиришти алар кайрылууда.

"КЕЗБИ" компаниясынын 600дөй жумушчусу 30-июнда эртең менен иш таштаган.

Алар эмгек шартын жакшыртуу жана маянаны жогорулатуудан тышкары сыйакы төлөө системасын кайра карап чыгууну, майрам күндөр менен зыяндуу аймактагы жумуш үчүн кошумча акы төлөөнү, жумушчуларга эмгек стажына жараша карьералык жогорулоо үчүн мүмкүнчүлүк түзүүнү, ден соолукту чыңдоо борборлоруна барууну уюштурууну, стандарттарга туура келген шаймандар менен камсыздоону, ошондой эле алар түзгөн кесиптик кошуундун ишине кийлигишпөөнү талап кылышууда.

"КЕЗБИ" компаниясы 1992-жылы түзүлгөн. Ал Мангистау облусундагы мунай компанияларына скважиналарды оңдоо боюнча кызмат көрсөтөт. Компанияда 27 бригада бар, 1200дөй киши иштейт.

Видео

Видео

Бир класста 40 окуучу. Жаңы конуштардын мектеп көгөйү
пожалуйста, подождите

No media source currently available

0:00 0:08:22 0:00
XS
SM
MD
LG