Бу ҳақда Тошкент шаҳар ИИББ матбуот хизмати маълумот тарқатди.
Қайд этилишича, 3 июль куни карантин қоидаларига риоя этмаганлардан 4885 нафари, 4 июль куни эса 4764 нафарига огоҳлантириш берилган.
Айни пайтда якшанба карантин чекловларини бузган 11 та юридик шахс жаримага тортилган.
ИИББ Маъмурий жавобгарлик тўғрисидаги кодекснинг 54-моддасига асосан “ваколатли органнинг махсус талабларига зид равишда жамоат жойларида ниқобсиз бўлиш базавий ҳисоблаш миқдорининг беш бараваригача (1 миллион 225 минг сўм – таҳр.) миқдорда жарима солишга сабаб бўлиши”ни эслатган.
Сўнгги ҳафталарда эпидемиологик вазият мураккаблашгани ортидан Республика махсус комиссияси Тошкентда шу йил 28 июнидан 12 июлига қадар карантин чекловларини кучайтиришга оид қарор қабул қилгани ҳақида Озодлик аввалроқ хабар қилган.