Ссылки доступа

Динчилдер тобу Ташкенттеги китеп дүкөндөрүндө рейд жүргүзүштү


Ташкентте динчилдер тобу китеп дүкөндөрүндө рейд жүргүзүп, Да Винчи менен Рембрандттын эмгектерин өзбек эли үчүн "жат" чыгармалар деп табышты.

28-июнда Өзбекстан ислам академиясынын ректору, Дин иштери боюнча комитеттин төрага орун басары жана Ислам цивилизациялар борборунун кызматкерлери баштаган топ Ташкенттин борборундагы китеп дүкөндөрүн кыдырып, анда сатылып жаткан китептер канчалык деңгээлде ислам идеологиясына туура келер-келбесин текшеришти.

“Озодлик” радиосунун редакциясына жөнөтүлгөн видеодо Дин иштери боюнча комитеттин төрага орун басары Музаффар Камиловдун сатуучулардын бирине кайрылып жатканын көрүүгө болот.

«Бул китептерде биздин динибизге каршы келген жерлер бар. Алар биздин коомдогу айрым диний маселелерди бузат. Бул китептер эң алгач биздин диний ишенимдерибизге, андан соң салттарыбызга туура келиши керек», — деген ал.

Андан соң сатуучуга Ислам цивилизациялар борборунун кызматкери Аброр Абдуазимов кайрылып, сатыкка коюлган китептердин бардыгында “көйгөйлөр бар экенин” айткан.

«Бажыда өлкөгө кирип жаткан китептерге катаал көзөмөл керек. Бул китеп алып келүүгө тоскоолдук кылуу дегенди билдирбейт, болгону айрым китептердеги туура эмес түшүнүктөргө бөгөт коюу зарыл. Биздин өлкөдө кирип жаткан китептерге көзөмөл жүргүзүү системасы так иштебейт. Муну ачык айтышыбыз керек. Азыр силердин дүкөндө сатылып жаткан китептерди барактап чыктым. Алардын ар биринде көйгөйлөр бар. Айрым китептерде жылаңач кишилердин сүрөттөрү тартылган. Да Винчи, Рембрандттын чыгармаларында. Кимдир бирөө муну искусство деп эсептейт. Бирок мунун баары улуттун негизине терс таасир берип жатат. Биз идеолог катары мындай ишмердүүлүктөрдү чектешибиз керек», – деген Абдуазимов.

Андан соң ал Юваль Ноа Хараринин «Sapiens. Адамзаттын кыска тарыхы» аттуу китебин «окууга зыяндуу» чыгарма деп баалаган.

Мындан тышкары рейддин жүрүшүндө аталган топтун өкүлдөрү “Бермуд үч бурчтугу” аттуу китепти “козголоң” деп, Лариса Буракованын китебин – «учурдагы мамлекеттик түзүлүштү кулатууга чакырган жана өзбек окурмандарына тыюу салынган адабият” деп аташты.

Талдоочулар дин мамлекеттен ажыратылган Өзбекстанда акыркы жылдары социалдык-саясий жана маданий жашоону диний көз караш менен баалоо учурлары көбөйгөнүн айтып келишет.

Видео

Видео

Бир класста 40 окуучу. Жаңы конуштардын мектеп көгөйү
пожалуйста, подождите

No media source currently available

0:00 0:08:22 0:00
XS
SM
MD
LG