Ссылки доступа

Мусобиқаҳои Олимпӣ дар Токие бе тамошогарон баргузор мешаванд


Мусобиқаҳои Олимпӣ дар Токио бе тамошогарон дар майдонҳои варзишӣ баргузор мешаванд. Дар ин бора Тамаё Марукава, вазири Ҷопон дар умумри Олимпиада хабар дод.

Тасмими роҳ надодан ба тамошогарон ба варзишгоҳҳо ба далели вазъи бади беҳдоштӣ гирифта шудааст.

Тасмими мазкур ба пойтахти Ҷопон рабт дорад. Эҳтимол аст, ба мусобиқаҳое, ки дар берун аз Токио баргузор мешаванд, тамошогарон роҳ дода шаванд.

Пештар аз ин расонаҳо хабар дода буданд, ки Олимпиадаи тобистона имсол дар шаҳри Токио моҳҳои июл ва август бо ҳузури тамошобинон баргузор мешавад, вале шумори онҳо маҳдуд хоҳад буд.

Ин қарор дар поёни гуфтугӯи созмондиҳандагони мусобиқа бо иштироки намояндагони Ҷопон ва Кумитаи байналмилалии олимпӣ қабул шуд.

Тибқи қарор, ба хотири беш аз 50 дарсад пур нашудани толорҳо ба ҳар як мусобиқа на зиёда аз 10 ҳазор табошобин роҳ меёбад. Аз тамошобинон риояи тамоми қоидаҳо, аз ҷумла фосилаи иҷтимоӣ талаб мешавад. Ҳамчунин супоридани санҷиш барои вирус ҳатмӣ аст.

Ба тамошои бозиҳо танҳо онҳое роҳ меёбанд, ки муқими Ҷопон ҳастанд. Вуруди мухлисони хориҷӣ ба он кишвар манъ аст.

Бозиҳои тобистонаи олимпӣ, ки бояд дар Токио аз 24-уми июл то 9-уми августи соли 2020 баргузор мешуданд, ба далели пандемияи коронавирус ба таъхир гузошта шуда, қарор аст, аз 23-юми июл то 8-уми августи соли 2021 баргузор гарданд.

XS
SM
MD
LG