Ссылки доступа

Орусияда мигранттарга убактылуу жашап турууга уруксат берүү тартибин жоюу сунушталууда


Орусиянын Ички иштер министрлиги (ИИМ) мигранттардын Орусияда жүрүү эрежелерин өзгөртүү тууралуу мыйзам долбоорун иштеп чыкты. Документ нормативдик-укуктук актылардын порталына жарыяланды.

Долбоордо чет өлкөлүктөргө Орусияда убактылуу жашап турууга уруксат берүү тажрыйбасынан баш тартуу жана анын ордуна Орусияда жүрүүнүн үч миграциялык режимин киргизүү сунушталган:

- кыска убакыт жүрүү режими – бир жылда 90 күндөн көп эмес;

- узак убакыт жүрүү режими – убактылуу жашап турууга уруксат албастан бир жылда 90 күндөн ашык;

- туруктуу, мөөнөтсүз жүрүү режими.

Документке ылайык, мындан тышкары мигранттар Орусияда жүрүү үчүн он жылдык мөөнөткө бериле турган электрондук түрдөгү бирдиктүү документти алышы керек болот. Аны алуу үчүн бармак издерин тапшырып, сүрөткө түшүү керек. Мындан тышкары жугуштуу оорулардын жоктугун жана маңзатка көз каранды эмес экенин ырастоо үчүн атайын медициналык текшерүүдөн өтүү талап кылынат.

Азыркы мыйзамдарга ылайык, Орусияда убактылуу жашап туруу укугу чет өлкөлүктөргө өкмөттүн квотасы менен үч жылдык мөөнөткө берилет. Бул Орусиянын жарандыгын алуу үчүн талап кылына турган негизги документ болуп эсептелет.

Май айында Орусиянын президенти Владимир Путин эмгек мигранттары, анын ичинде биринчи кезекте Евразия экономикалык биримдигине (ЕАЭБ) мүчө өлкөлөрдүн жарандары үчүн шарттарды жакшыртуу иштери жүргүзүлөрүн билдирген. Анын айтымында, жакында ишке орношуу үчүн документтерди жол-жоболоштуруунун жөнөкөйлөштүрүлгөн системасы ишке киргизилет

Видео

Видео

Бир класста 40 окуучу. Жаңы конуштардын мектеп көгөйү
пожалуйста, подождите

No media source currently available

0:00 0:08:22 0:00
XS
SM
MD
LG