Давлат мулкини бошқариш жамғармаси вакили Замир Бугубаев тушунтирганидек, 2020 йил 25 июнда Жўқорғи Кенгес 2020-2022 йилларда 25 та давлат объектларини сотиш бўйича дастурни қабул қилди. Ушбу рўйхатга яна 4 та объектни қўшиш таклиф этилади.
«Давлат мулкини хусусийлаштириш ҳукумат томонидан ишлаб чиқилган ва Жўқорғи Кенгес томонидан қабул қилинган дастурга мувофиқ амалга оширилади», деди Бугубаев.
Жўқорғи Кенгес депутати Дастан Бекешев Фейсбукдаги саҳифасида Миллий хавфсизлик давлат қўмитаси МегаCом сотилишига қарши эканлигини ёзди.
Жорий йил 5 май куни Президент Садир Жапаров янги Конституция имзоланганидан кейин халққа қилган мурожаати доирасида хусусийлаштириш тўғрисида баёнот бериб, давлат корхоналарини қайта қуриш ва уларни хусусий мулкка ўтказиш режалаштирилганлигини таъкидлади. келажакда ушбу ишлар тугагандан сўнг Давлат мулки жамғармаси тугатилади.
Қирғизистон ҳукумати MegaComни сотишга бир неча бор уриниб кўрган. 2020 йилги инқилобдан сўнг, Муваққат ҳукумат компаниянинг 49 фоиз акцияларини миллийлаштирди. 2014 йилда компания тўлиқ давлат тасарруфига ўтди.