Вай гуфт, чаҳор ҳафта пайи ҳам теъдоди гирифторони коронавирус дар саросари дунё меафзояд ва шумори фавтидагон низ дар ҳоли зиёд шудан аст. Яке аз сабабҳои афзоиши гирифторонро СҶТ дар навъи "делта"-и коронавирус мебинад, ки дар 111 кишвар паҳн шудааст. Интизор меравад, ки ин навъи коронавирус ба навъи асосии коронавирус табдил шавад.
Гебрейесус ба масъалаи тақсими нодуруси воксин байни кишварҳо таваҷҷуҳ кард - ба далели камбуди воксин қисми бештари аҳолии дунё дар баробари вабо осебпазир мешавад.
Роҳбари СҶТ даъват кард, ки ҳадди ақал то моҳи сентябр 10 дарсади аҳолии ҳар кадом кишвар, то охири сол 40 дарсад ва то миёнаҳои соли оянда 70 дарсади аҳолии ҳар кишвар воксин зада шавад. Барои ин ҳадаф 11 миллиард вояи воксин зарур аст.
Аз ибтидои вабои коронавирус дар саросари дунё бештар аз 187 миллион кас ба коронавирус мубтало шудааст. Дар маҷмуъ бештар аз 4 миллион кас аз ин вабо фавтидааст.