Палата Спикери Нурдинжон Исмоиловнинг Телеграм каналида хабар қилишича, муҳокамаларда аҳолини "мажбурий эмлаш" масаласи баҳс бўлган.
Аввалроқ, спикер ўринбосари Алишер Қодиров "ҳукумат эмланмаганларнинг эркини чеклаши керак", деган фикрни билдирганди.
Спикерга кўра, Ўзбекистон қонунчилиги бунга йўл бермайди. Хусусан, "Фуқаролар соғлиғини сақлаш тўғрисида"ги қонунда фуқаронинг ўз ихтиёри билан розилик бериши тиббий аралашувнинг дастлабки зарур шарти этиб белгиланмаган.
Аксинча, фуқаро ва унинг қонуний вакили тиббий аралашувни рад этиши ёки унинг тўхтатилишини талаб қилиши мумкин.
"Яъни, эмлаш тадбирларини мажбурий амалга ошириш учун аввало, бир қатор ҳуқуқий ҳужжатларга белгиланган тартибда ўзгартиш ёки қўшимчалар киритиш талаб этилади", дея маълум қилган Исмоилов.
Қонунчилик палатасининг 16 июль кунги ялпи мажлисида аҳолини коронавирус инфекциясига қарши эмлаш ишлари муҳокама қилинди.