Ўзгартиришлар бошпана бериш тўғрисидаги аризани кўриб чиқиш муддатини ўн кунга қисқартиради ва бошпана изловчиларни биринчи инстанция судининг апелляция шикояти тўғрисидаги қарорига шикоят қилиш ҳуқуқидан доимий равишда маҳрум қилади.
Бундан ташқари, бошпана изловчи олти ойгача ҳибсга олиниши ва ҳарбий ҳолат ҳамда фавқулодда вазиятда Литвага ноқонуний етиб келган тақдирда яшаш жойидан чиқиб кетиш ҳуқуқидан чекланиши мумкин.
Науседа ҳужжатда нуқсонлар борлигини тан олди. Шу билан бирга, президентнинг сўзларига кўра, Литва — Белоруссия чегарасида мигрантлар билан фавқулодда вазият фонида меъёрий ҳужжат бўлмаганидан кўра, бундай қонун бўлиши яхшироқдир.
Ёзда, Литва Белоруссия ҳудуди орқали Европа Иттифоқига қочиб кетган қочқинлар сонининг кескин ўсиши ҳақида хабар берди. Мигрантларнинг аксарияти Минскка Туркия ва Ироқдан келган. Европа Иттифоқининг Чегара ҳимоя агентлиги Frontex Литва — Белоруссия чегарасида ўз миссиясини жойлаштирди.
Европа Иттифоқи муҳожирлар оқимини ташкил этиш ва ноқонуний муҳожирларни ташиш билан шуғулланадиган тузилмалар Белоруссия ҳукумати ҳомийлигидан фойдаланади, деб даъво қилмоқда. Литва ҳукуматига кўра, Минск қочқинлардан Александр Лукашенко режимига қарши қўлланилган санкциялар туфайли Европа Иттифоқига сиёсий босим воситаси сифатида фойдаланмоқда.
Лукашенканинг сўзларига кўра, агар Европа Иттифоқи санкцияларни қўлласа, у ўз манфаатларини ҳимоя қилишни талаб қилишга ҳақли эмас.