Қирғизистон Республикаси Вазирлар Маҳкамаси матбуот хизматининг хабар беришича, Марипов вайрон бўлган ўрта мактабга ташриф буюрган. Таъкидланишича, мактабни қайта тиклаш ишлари якунланган ва 1 сентябрь куни ушбу иншоот ўқувчилар билан учрашишга тайёр.
Шунингдек, қишлоқда фельдшер-акушерлик пункти ва болалар боғчаси қурилиши тугаш босқичида, 10 та турар-жой биноси қурилиши якунланди, яна 40 та турар-жой биноси 70 фоизга бажарилди. Максат қишлоғида жами 83 та турар-жой биноси қурилади.
Қирғизистон ва Тожикистон чегарасидаги қуролли тўқнашув 28-30 апрель кунлари бўлиб ўтди. Натижада Қирғизистон томонидан 154 киши жароҳат олди, 36 киши ҳалок бўлди, уларнинг иккитаси болалардир. Тожикистон расмийлари 19 киши ўлгани ва 87 киши яраланганини расман эълон қилди.
Боткен вилоятида 140 та уй, мактаб ва чегара постлари ёқиб юборилган ёки вайрон қилинган, 58 мингга яқин одам уйларини тарк этишга мажбур бўлган. Тожикистон Суғд вилоятида бутунлай вайрон бўлган 14 уй, иккита хароба уй ва битта бино ҳақида хабар берди. Можаро зонасидан 15 мингга яқин фуқаро эвакуация қилинди.
Иккала мамлакат ўзаро айбловлар билан алмашишди, Қирғизистон ва Тожикистон назорат органлари оғир моддалари бўйича жиноий иш қўзғашди.
Қуролли можародан кейин Қирғизистоннинг Максат қишлоғида мактаб тикланди, уйлар қурилиши давом этмоқда
Улукбек Марипов Қирғизистон ва Тожикистон чегарасида юз берган қуролли тўқнашув натижасида бир қатор турар-жой бинолари ва иншоотлар вайрон бўлган Боткен вилоятидаги Максат қишлоғига ташриф буюрди.